FÆRSLUR EFTIR Hólmfríður Jakobsdóttir

Náttúrustofan óskar eftir ljósmyndum

/í /eftir

Síðastliðnar vikur hafa sérfræðingar Náttúrustofu Suðausturlands unnið að rannsókn á smádýralífi í leirunum í Skarðsfirði. Tilgangurinn er að fá yfirlit á lífríki svæðanna en sambærileg rannsókn var gerð á leirum Skarðsfjarðar árið 1979. Fyrir þetta verkefni leitum við að ljósmyndum af Skarðsfirði á fjöru, sem teknar voru á árunum 1970-1990. Slíkar myndir hjálpa til að öðlast betri sýn í ástand svæðisins á því tímabili og framvindu leiranna í Skarðsfirði til okkar daga. Myndir má senda stofunni á Facebook, á netfangið hoffy@nattsa.is eða koma með þær á skrifstofur starfsmanna á vesturgangi neðri hæðar í Nýheimum.

Um tímann og vatnið

/í /eftir

Þann 27. ágúst verður frumsýnd myndin „Um tímann og vatnið“ sem byggir  á samnefndri bók Andra Snæs Magnússonar. Bókin fjallar um hvernig eðli vatns á jörðinni muni breytast á næstu hundrað árum og hvað það þýðir að lifa á tímum breytinga. Þó kvikmyndin byggir á bókinni fer hún meira inn í fjölskyldu Andra Snæs, sérstaklega afa hans og  ömmu, þau Árna Kjartansson og Huldu Filippusdóttur. Þau voru meðal annars stofnfélagar JÖRFÍ. Frumsýning myndarinnar fer fram í Háskólabíó og hægt er að nálgast miða á tix.is. Þess má geta að Snævarr hjá Náttúrustofu nni var vísindalegur ráðgjafi í þessu verkefni. Í framhaldi var honum boðið að rita grein um reynslu sína af samstarfinu með kvikmyndatökufólkinu á Breiðamerkursandi

Grein um jökla vekur athygli

/í /eftir

Á fréttasíðu Náttúrustofu Suðausturlands hefur áður verið vakin athygli á því að Sameinuðu þjóðirnar tileinkuðu árið 2025 „jöklum á hverfanda hveli“, til þess að vekja athygli á áhrifum og  þýðingu jökla . Náttúrustofan lét ekki sitt eftir liggja og nýverið birtist greinin „The fate of two Icelandic glaciers in a warming climate: Hofsjökull eystri and Okjökull sem hefur vakið nokkra athygli og var m.a. rædd í þættinum ‘Samfélagið’ á RÚV 1.

Örlög tveggja jökla, Hofsjökuls eystri og Okjökuls, í hlýnandi loftslagi

/í /eftir

Í fréttapistlum hefur Náttúrustofa Suðausturlands fyrr vakið athygli á að Sameinuðu þjóðirnar tileinkuðu árið 2025 sem alþjóðaár jökla á hverfanda hveli. Var það notað til að vekja athygli á vatnsfræðilegum, veðurfarslegum áhrifum jökla ásamt samfélagslegri og efnahagslegri þýðingu. Náttúrustofan tók þátt í verkefninu með greinaskrifum og nýverið birtist greinin Örlög tveggja jökla, Hofsjökuls eystri og Okjökuls, í hlýnandi loftslagi í hefti Annals of Glaciology.

Auglýst er eftir forstöðumanni Náttúrustofu Suðausturlands

/í /eftir

Náttúrustofa Suðausturlands auglýsir starf forstöðumanns laust til umsóknar. Stofan er alhliða rannsóknar- og þjónustustofnun í náttúrufræðum og starfar eftir lögum 54/2024 um Náttúrufræðistofnun og náttúrustofur. Starfssvæðið nær yfir Sveitarfélagið Hornafjörð og Skaftárhrepp og er stofan með aðsetur á Höfn og starfsstöð á Kirkjubæjarklaustri.

Líffræðiráðstefnan 2025

/í /eftir

Starfsfólk Náttúrustofu Suðausturlands lét sig ekki vanta á líffræðiráðstefnu Líffræðifélags Íslands 2025 fór fram 9.–11. október í Reykjavík. Ráðstefnan er haldin annað hvert ár og þar koma saman flestallir vísindamenn á þessu sviði og koma saman fulltrúar nær allra stofnana og fyrirtækja sem tengjast lífvísindaheiminum á Íslandi. Ráðstefnan er einnig opin öllu áhugafólki um líffræði. 

Jöklar á hverfanda hveli

/í /eftir

Í september 2024 sögðum við hjá Náttúrustofu Suðausturlands frá því að Sameinuðu þjóðirnar ætluðu að helga árinu 2025 m.a. jöklum, sem eru á hverfanda hveli, og verður árið notað til að vekja athygli á þeim. Jöklar hafa mikilvægt hlutverk vatnfræðilega og veðurfarslega en líka mikla samfélagslega og efnahagslega þýðingu hér á landi þar sem að […]

20 ára afmæli Fuglaathugunarstöðvar Suðausturlands

/í /eftir

Á árinu fagnaði Fuglaathugunarstöð Suðausturlands 20 ára afmæli sínu og í tilefni þess var gefið út 20. ára afmælisrit. Þar má finna ýmsar skemmtilegar og fræðandi greinar tengdum fuglum og starfsemi stöðvarinnar. Starfsfólk Náttúrustofu Suðausturlands skrifuðu í ritið tvær greinar, „Samstarf Náttúrustofu Suðausturlands og Fuglaathugunarstöðvar Suðausturlands“ og „Frá blómaskeiði til válista: Saga skúmsathugana á Suðausturlandi“. […]